Fruktvin frå fjord og fjell
Kva meir er mogleg å få til med alle råvarene og ressursane som veks og trivst akkurat her? Kva er fruktvin, og kva meir kan det bli? Desse spørsmåla utgjer kjernen i Vestavin.
På Vingarden på Jølst er Vestavin i full gang med å skape vestlandske råvarer om til unike fruktvinar i moderne vinstilar, og eit nedlagt småbruk om til ein vestnorsk fruktvingard i særklasse.
Opningstider Vingarden på Jølst
Sommarope
Onsdag til laurdag frå 2. juli til 30. august 2025:
Open vingard og utsal kl 13-17
Omvising med vinsmaking kl 14
Gardsutsal
Ope kvar torsdag heile året
kl 16-18
Privat oppleving
Alltid ope for gruppebestillingar
Ta kontakt på:
post@vestavin.no eller tlf: 47288004
Vel di oppleving
Arrangement
Konsertar, vinslepp, og andre gleder gjennom heile året
Concerts, wine launches and other delights throughout the year
Fruktvinen
Vestlandet i eit glas, med alt sitt særpreg
Svalt og intenst
Leikande lett og grav alvorleg
Frå lyse sommardagar til hustrig haust,
Blåfrosen vinter og struttande vår
Ekte i alle sine uttrykk
Kvar med sin eigenart
Fordi ingen kan vinne på å vere nokon annan
Vingarden på Jølst
Vestavin er i ferd med å gjere eit nedlagt småbruk i solrike bakkar over Jølstravatnet om til Vingarden på Jølst.
Gjennom året er gardsutsalet ope torsdagar kl 16-18, det er ope for gruppebestillingar, og stadig dukkar det opp eitt og anna arrangement, som konsert, pop-up restaurant, vinslepp eller juleopen vingard.
Samstundes går ferda frå eit nedlagt småbruk med hol i dei fleste tak til ein unik fruktvingard sakte framover. Og utsikta, den er berre uslåeleg! Les meir >
Draumen
Det starta berrføtt i hagen med solbærsaft på fingrane. I potetkjellaren, mellom aromaeple i kassar og kålrot i mose. Det starta ved saftkokaren til mor mi og på far min sine godt løynde multemyrer. Så kom spørsmålet: Kva meir kan det bli?