Vingarden på Jølst
Fruktvingard under oppbygging
Juli 2021 kjøpte Camilla det nedlagte småbruket «Ystebakken» på Årdalsbakke på Jølster. Eit knapt år etter, sommaren 2022 opna Vingarden på Jølst dørene for første gong, med omvisingar og smakingar på ein vingard under oppbygging.
Nokre plantar har komme i jorda, både aronia, rabarbra, solbær, rips, stikkelsbær, jostabær, kirsebær, plommer og eple. Etter som månadane og åra går, vil fleire følgje etter, og målet er å fylle heile garden med ymse råvarer som trivst i det vestlandske klimaet.
Ein eigen produksjon av råvarer opnar dørene for ein eigen produksjon av fruktvin på garden. Det er mogleg å kjøpe med seg flasker med Vestavin direkte frå Vingarden på Jølst.
Opningstider
Ope utsal kvar torsdag kl 16-18.
Onsdag til laurdag frå 2. juli til 30. august:
Open vingard med utsal og lett servering kl 13-17. Omvising og smaking kl 14
Grupper
Utanom faste opningstider er det ope for gruppebestillingar på Vingarden på Jølst.
Om det er ønske om vinsmaking, omvising, vinkurs, matservering, tilrettelegging for møte/seminar, utdrikkingslag, julebord eller anna, er det alltid lov å spørje! Alt er under oppbygging og med gode samarbeidspartar i nærområdet er det meste mogleg.
Korleis komme seg til Vingarden på Jølst
Vingarden på Jølst er å finne på adresse Jølstravegen 2380, langs E39 på nordsida av Jølstravatnet. Vingarden ligg 10 minutt med bil frå Skei i aust og 15 minutt frå Vassenden i vest. Frå Førde er det ein køyretur på ca. 35 minutt og frå Sogndal er det ca. 55 minutt.
For dei som ønsker å reise kollektivt, er buss alternativet. Næraste busstopp heiter Ytre Årdal, og ligg like nedanfor Vingarden. Sjå entur.no for oversikt over avgangar som kan passe for deg.